كل إقرارات شركاتك، من بوابة الضرائب بضغطة واحدة.
Tax Solutions بيدخل بوابة مصلحة الضرائب بدالك، ويرجّع حالة القيمة المضافة والخصم والمرتبات والدخل لكل شركة عندك. ومعاه الفواتير الإلكترونية والمواعيد والعهدة والمطالبات في مساحة واحدة لمكتبك.
مصمم لمكاتب المحاسبة في مصر · عربي بالكامل
| الشركة | ق.م | خصم | مرتبات | دخل |
|---|
اليوم في مكتب المحاسبة مليان شغل يدوي ممكن يتشال
دي المشاكل اللي سمعناها من المكاتب، وده اللي عملناه لكل واحدة.
تفتح البوابة لكل شركة لوحدها
تسجيل دخول، وبعدين قايمة الإقرارات، وبعدين الشركة اللي بعدها. مكتب عنده 100 شركة بيضيّع يوم كامل علشان يعرف مين قدّم ومين لأ.
زرار «تحديث» واحد
بيدخل البوابة بدالك ويرجّع حالة القيمة المضافة والخصم والتحصيل والمرتبات والدخل: اتقدّم، ماتقدّمش، أو متأخر. والفحص الشامل بيراجع الإقرارات القديمة كمان.
مواعيد بتفوت وغرامات بتتدفع
تجديد البطاقة الضريبية والسجل التجاري ومواعيد التقديم متوزعة بين أجندة وواتساب وذاكرة الموظف.
لوحة مواعيد وتجديدات واحدة
كل ميعاد ظاهر قدامك، واللي قرب أو فات بيبان بلونه. مفيش حاجة بتعتمد على إن حد يفتكر.
مطابقة الفواتير مع الإقرار على Excel
تنزّل فواتير المبيعات والمشتريات، وتجمعها، وتقارنها بإقرار القيمة المضافة ونموذج 41 يدوي. وأي غلطة بتطلع في الفحص.
مطابقة القيمة المضافة والخصم من المنبع
فواتير الفترة من بوابة الفاتورة الإلكترونية قصاد اللي اتقدّم في الإقرار، والفرق ظاهر رقم برقم. وكمان بتتنبّه لو فيه فاتورة من رقم ضريبي وهمي.
باسوردات البوابات في ورقة أو شات
بيانات دخول كل شركة متشاركة بين الموظفين من غير ما حد يعرف مين شافها أو استخدمها.
بيانات مشفرة وصلاحيات واضحة
الباسوردات متخزنة مشفرة، وبتظهر لمدير المكتب والموظف المسئول عن الشركة بس. وكل فتح ليها متسجل في سجل التدقيق.
عهدة ومأموريات ومطالبات من غير حساب
الموظف بيصرف من العهدة، والمأمورية بتتكلف، والأتعاب بتتكتب في Word. وفي آخر الشهر محدش عارف المكتب كسب كام.
إدارة المكتب في نفس المكان
العهدة والمصروفات بحساب كل موظف، والمأموريات بتكلفتها، والمطالبات PDF بلوجو مكتبك. ولما تعلّم «تم الدفع» بتروح للإيرادات على طول.
الحضور في كشكول والإجازات بالكلام
مين جه متأخر، ومين خد اجازة، وفاضل له كام يوم، كله بيتعرف من الذاكرة أو من ورقة على المكتب. وآخر الشهر حساب المرتب والتقييم بياخد وقت.
HR system في نفس البرنامج
كل موظف بيسجّل حضوره وانصرافه بنفسه، والغياب بيتحسب لوحده. والإجازات والأذونات برصيد سنوي وبموافقة المدير، والنقاط والتقييم والمرتبات في نفس المكان.
تبدأ في نفس اليوم
من غير تركيب برامج ولا تدريب طويل. كل اللي محتاجه بيانات دخول شركاتك على البوابة.
ضيف شركاتك
واحدة واحدة، أو كلهم مرة واحدة من ملف Excel: الاسم والرقم الضريبي وبيانات الدخول.
دوس «تحديث»
النظام بيدخل البوابة في الخلفية وانت مكمل شغلك، وبيوصلك إشعار أول ما يخلص.
تابع ووزّع الشغل
اعرف المتأخر من نظرة، واسند كل شركة لمحاسب، واطبع أو صدّر القايمة Excel.
كل اللي المكتب بيتابعه، في مكان واحد
اختار قسم وشوف بيعمل إيه.
بيانات شركاتك أمانة
بنتعامل مع باسوردات البوابات وبيانات العملاء على إنها أهم حاجة في النظام.
تشفير لكل باسورد
بيانات الدخول متخزنة مشفرة، والمتصفح اللي بيدخل البوابة بيفكها في الذاكرة وقت الشغل بس.
كل مكتب في عزلة
بيانات كل مكتب معزولة على مستوى قاعدة البيانات نفسها، فمستحيل مكتب يشوف شركات مكتب تاني.
سجل تدقيق
مين فتح بيانات شركة، ومين عدّل، وإمتى. كله متسجل ومدير المكتب يقدر يراجعه.
كل واحد في المكتب يشوف اللي يخصه
صلاحيات جاهزة على حسب دور كل موظف.
مدير المكتب
يشوف كل حاجة: الشركات والموظفين والإيرادات والمطالبات، ويوزّع الشركات على المحاسبين.
موظف بصلاحية مدير
يساعد في الإدارة اليومية من غير ما يكون صاحب الحساب.
محاسب
يشتغل على الشركات المسندة ليه بس، ويحدّث إقراراتها.
مراجع
يتابع ويطّلع من غير ما يقدر يعدّل.
اختار الباقة اللي على قد شركاتك
ادفع سنوي أو كل 3 شهور، والسنوي أوفر. وكل ما شركاتك تزيد، الشركة الواحدة بتكلفك أقل.
تسوية
لو مكتبك عنده أكتر من محاسب
حتى 200 شركة
أو 12,650 ج كل 3 شهور
اشترك في تسويةمركز مالي
لو عندك أكتر من مكتب أو مجموعة كبيرة
حتى 500 شركة
أو 23,000 ج كل 3 شهور
اشترك في مركز ماليأسئلة بتتسأل كتير
لو سؤالك مش هنا، كلّمنا وهنرد عليك.
يعني إيه Tax Solutions؟
Tax Solutions برنامج أونلاين لمكاتب المحاسبة في مصر. بيتابع الإقرارات الضريبية لكل شركات المكتب من بوابة مصلحة الضرائب، ومعاه الفواتير الإلكترونية والمواعيد والعهدة والمطالبات في مكان واحد.
بيتابع أنهي إقرارات؟
إقرار القيمة المضافة، والخصم والتحصيل، والمرتبات (الشهري والربع سنوي والتسوية السنوية)، وضريبة الدخل. ولكل إقرار بيقولك اتقدّم ولا ماتقدّمش ولا متأخر.
محتاج أنزّل برنامج على الجهاز؟
لأ. Tax Solutions شغال من المتصفح على الكمبيوتر أو الموبايل، من غير تركيب.
ينفع أطابق الفواتير الإلكترونية مع الإقرار؟
أيوه. بيطابق فواتير المبيعات والمشتريات من بوابة الفاتورة الإلكترونية مع إقرار القيمة المضافة، والخصم من المنبع مع نموذج 41، وبينبّهك لو فيه فاتورة من رقم ضريبي وهمي.
بيانات دخول الشركات على البوابة آمنة؟
الباسوردات متخزنة مشفرة، وبتظهر لمدير المكتب والموظف المسئول عن الشركة بس، وكل فتح ليها متسجل في سجل التدقيق. وبيانات كل مكتب معزولة عن باقي المكاتب.
ينفع أضيف شركاتي من Excel؟
أيوه. تقدر تضيف الشركات واحدة واحدة، أو كلهم مرة واحدة من ملف Excel.
فيه HR system في البرنامج؟
أيوه. كل موظف بيسجّل حضوره وانصرافه بنفسه، والغياب بيتحسب لوحده. وفيه إجازات وأذونات برصيد سنوي وموافقة المدير، ونقاط وتقييم شهري، ومرتبات بتظهر لمسئول HR بس.
الاشتراك بكام؟
الاشتراك على حسب عدد الشركات: «قيد» بـ 17,200 ج لحد 50 شركة، «دفتر» بـ 28,000 ج لحد 100 شركة، «ميزان» بـ 36,000 ج لحد 150 شركة، «تسوية» بـ 44,000 ج لحد 200 شركة، «ميزانية» بـ 50,000 ج لحد 250 شركة، «مركز مالي» بـ 80,000 ج لحد 500 شركة. وتقدر تدفع كل 3 شهور: «قيد» بـ 4,950 ج، «دفتر» بـ 8,050 ج، «ميزان» بـ 10,350 ج، «تسوية» بـ 12,650 ج، «ميزانية» بـ 14,400 ج، «مركز مالي» بـ 23,000 ج للربع، والسنوي بيوفّرلك 15%.
جرّب Tax Solutions على شركات مكتبك
سجّل مكتبك وضيف شركاتك، ودوس «تحديث». هتشوف حالة إقراراتهم في دقايق بدل يوم كامل على البوابة.
عندك سؤال قبل ما تسجّل؟ كلّمنا على واتساب